ബെംഗളൂരു : മൈസൂരുവിലെ കൃഷ്ണരാജ സാഗർ അണക്കെട്ടിനു സമീപം നിശാ പാർട്ടിയിൽ പങ്കെടുത്ത ഏഴ് സ്ത്രീകളുൾപ്പെടെ 54 പേരെ അറസ്റ്റുചെയ്തു.
മീനാക്ഷിപുരയിലെ ഫാം ഹൗസിലാണ് ശനിയാഴ്ച രാത്രി പാർട്ടി സംഘടിപ്പിച്ചത്. രഹസ്യവിവരം ലഭിച്ച പോലീസ് ഞായറാഴ്ച പുലർച്ചെ നടത്തിയ പരിശോധനയിലാണ് അറസ്റ്റ്.
കുറേപ്പേർ ഓടി രക്ഷപ്പെട്ടു. പാർട്ടിയിൽ പങ്കെടുത്തവർ മയക്കുമരുന്ന് ഉപയോഗിച്ചിട്ടുണ്ടോയെന്നറിയാൻ വൈദ്യപരിശോധനയ്ക്ക് വിധേയരാക്കിയെങ്കിലും മയക്കുമരുന്ന് കണ്ടെത്തിയിട്ടില്ലെന്ന് മൈസൂരു ജില്ലാ പോലീസ് സൂപ്രണ്ട് എൻ. വിഷ്ണുവർധൻ അറിയിച്ചു.
എന്നാൽ, മദ്യക്കുപ്പികളും പുകയിലയുത്പന്നങ്ങളും കണ്ടെടുത്തു. പോലീസിന്റെ അനുമതിയില്ലാതെയാണ് നിശാപാർട്ടി നടത്തിയത്.
സംഭവത്തെപ്പറ്റി അന്വേഷിക്കാൻ പോലീസ് പ്രത്യേക സംഘത്തിന് രൂപം നൽകി. സാമൂഹികമാധ്യമത്തിലൂടെ വിവരം കൈമാറിയാണ് പാർട്ടി സംഘടിപ്പിച്ചത്.
150-ഓളം പേർ പാർട്ടിയിൽ പങ്കെടുത്തെന്നാണ് വിവരം. 25 കാറുകളും 18 ഇരുചക്രവാഹനങ്ങളും കസ്റ്റഡിയിലെടുത്തു.
ശങ്കർ, അർജുൻ എന്നിവരുടെ ഉടമസ്ഥതയിലുള്ളതാണ് ഫാം ഹൗസ്. സംഭവത്തിൽ നിയമാനുസൃതമായ നടപടി സ്വീകരിക്കുമെന്ന് മുഖ്യമന്ത്രി സിദ്ധരാമയ്യ പ്രതികരിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
